學生分享

海外都有得上堂，內容由淺入深，易學易用，多謝師傅！

「Hello 大家好，我係 Ven。我而家係八字中班嘅學生，跟易龍師傅學咗八字半年左右。未學之前我好怕好難學，因為本身中文比較差、冇八字底。後來朋友介紹話易龍師傅教得唔錯、簡單易明，我就報名試吓。而家初班中班都讀完，覺得八字冇以前諗得咁難，仲識得跟大運流年行好運，用神都算得準。呢個課程另一個好處係可以網上上堂，仲有錄影重溫，返唔到堂都可以重溫當日課程，唔會被迫聽唔明。師傅好多嘢都會用唔同方法令你容易明、容易記，仲好有耐性解答問題——聽一次唔明，佢會用其他方法再解。最後多謝易龍師傅咁用心教我哋，我會繼續跟你學習，再見！」

「我跟易龍師傅學咗八字大約兩年。呢兩年師傅好無私，將佢嘅八字知識教晒俾我哋。師傅嘅教學方法好易明，因為佢會一步一步教我哋點樣睇八字、點樣搵應期、幾時行好運幾時行衰運、仲有同六親嘅關係。跟住師傅教嘅步驟去睇，其實好易掌握。實際應用嗰陣，睇朋友嘅八字都睇到相關資訊。有機會認識易龍師傅、跟師傅學八字，可以幫自己了解自己人生。好多謝師傅！」

「大家好，我跟易龍師傅學咗差不多兩年八字。師傅教得好好，我本身未學過八字，啱啱學咗一個月已經有基本概念，試過攞朋友嘅八字做練習，都幾準——學得耐當然越嚟越準。師傅會教一啲獨家精粹，同出面一般教你分五行強弱去睇八字嘅方法差好遠。建議大家去讀，讀完十二堂已經有基本概念，讀完初中班已經可以攞朋友八字簡單咁睇，發現真係好準。到中班高班就教好細節嘅嘢。強力推薦俾大家！」

「今日分享參加易龍師傅八字班嘅得著。人出世原來有一張地圖，如果懂得由八字基礎開始了解自己張地圖嘅方向——邊啲位置要注意安全、去到邊個位置會遇到好事、遇到貴人幫你。呢張地圖要搵一個好老師教你點樣睇，易龍師傅教學係有心嘅。對八字有興趣嘅人，可以一齊學習啦！」